Neno la leo

Yoh 1:16 “Kwa kuwa katika utimilifu wake sisi sote tulipokea, na neema juu ya neema”

TAFAKARI: Neema yake Mungu imetuwezesha wengi kupata mahitaji yetu. Mara nyingine kulazimisha mambo ili kupata mahitaji yetu na kusahau kwamba ipo neema kubwa tu juu yetu.

SALA: Bwana, nikitazama maisha yangu uliyonipa naona baraka zako kubwa. Neema yako imeniruhusu kufikia malengo yangu. Yapo mambo mengi nataka kufanya lakini nimejifunza kusubiri kwa maana wewe hujibu kwa wakati wako. Nitoe kutoka kwenye fikra za wivu, hukumu na uchoyo, kwa sababu nataka kutoshelezwa na neema yako tu pekee. Katika jina la Yesu naomba na kupokea, Amen.