I give myself away...

Nobody greater!

Ubarikiwe unaposikiliza nyimbo hizi!

Zaburi 135:6 " BWANA amefanya kila lililompendeza, katika mbingu na katika nchi, katika Bahari na katika vilindi vyote"

Utajuaje Umesamehe/samehewa

Utajua kuwa jeraha limepona kwa mfano mara ya kwanza ulikuwa ukimuona ama ukikutana na mtu aliyekukosea mwili unasisimka na unapandwa na hasira ukitamani ubadilishe njia ama umralue mtu huyo. Lakini ukiongea nae na kusameheana pindi mkikutana sehemu ama mkionana moyo wako unakuwa una amani na furaha na mnaongea kawaida, hapo utajua kuwa umepona jeraha lako. Kipimo kingine cha kujua umemsamehe/ samehewa na mtu uliyekosana nae ni kwamba je maongezi yenu yanaweza kudumu angalau kwa nusu saa mnaongea na kucheka? Kama hilo haliwezekani basi jua hujasamehe ama huyu mtu mwingine hajakusamehe.

Mara nyingine kuna watu wa aina ya kusameheana na mara wanajikuta wanagombana mara kwa mara. Katika hali kama hiyo endapo wewe umegundua mwenye shida ni mwenzako na umechoka na hiyo hali ya kukoseana na kusameheana kila wakati basi yakupasa umuombe Mungu akupe ujasiri wa kusonga mbele.

Kwanza inabidi ujiulize kwa mfano je nikiacha kujishughulisha na huyu rafiki yangu ni mangapi napungukiwa? Wakati tukiwa hatupo pamoja ni mangapi nafanya na kufanikiwa? Na wakati tukiwa hatupo pamoja ni mambo mangapi hayaendi sawa? Jiulize nitakosa nini kama nitaamua kutojishughulisha nae tena? Lakini hii haina maana kuwa usisalimiane nae, la hasha unamwambia ukweli kwamba umechoka na maisha ya namna hiyo cha muhimu kila mtu aendelee na maisha yake lakini bado tutabaki kuwa marafiki na kusaidiana kwenye shida na raha. Binafsi mimi huu ni ushauri wangu na nimeona ukifanya kazi kwa baadhi ya watu wa namna hiyo. Cha muhimu moyo wako uwe umesamehe kweli na una amani kabisa ndani ya moyo wako.

Pengine umekosana na ndugu yako wa damu na ili hali unajiita mkristo kila siku unahudhuria Kanisani na unamtolea Mungu sadaka. Lakini kama ndani ya moyo wako unajua wewe umemkosea ndugu yako hata kama unamcha Mungu kiasi gani unahitaji neema ya kukuongoza kuombana msamaha na ndugu yako kwa sababu sadaka yako haipokelewi.

Maandiko yanatuambia “Basi ukileta  sadaka yako madhabahuni na huku ukikumbuka ya kuwa ndugu yako ana neno juu yako iache sadaka yako mbele ya madhabahu uende zako, upatane kwanza na ndugu yako kasha urudi uitoe sadaka yako” Mathayo 5: 23-24

Mind you, sio kitu kinatokea kwa siku moja, la hasha ni hatua ya muda na inayohitaji roho mtakatifu akuongoze. Muombe Mungu akupe neema ya Msamaha na neema ya kudumu ndani ya moyo wako.

Kwa hiyo tunahitaji kuongozwa sana na roho mtakatifu katika kutoa msamaha na kujisamehe wenyewe pia.

Nini kinahitajika katika kuomba msamaha!
Busara (wisdom) inahitajika katika kuomba msamaha ama kukutanishwa na watu mliokosana nao.
 
Pengine umekosana na mzazi wako ama ndugu yako wa karibu. Mzazi hawezi kumuomba msamaha mtoto wake hata siku moja hata kama anajua yeye ndo mwenye makosa. Unahitaji busara katika kukabiliana na mzazi wako ili kujenga uhusiano wenu tena. Jishushe chini na kumuomba Mungu akupe busara za kwenda kuongea na wazazi wako. Once umefanya hivyo hakika utauona mkono wa Bwana na mambo yako yatakuendea vizuri.

Je ni vyema kuongelea mambo yaliyopita na mtu mliyekosana nae baada ya kusameheana?

Jibu la swali hilo ni rahisi tu, inashauriwa kuwa si vyema kukumbushia mambo ambayo yalikuwa chanzo cha ugomvi kati ya wawili hao. Hiyo inaonyesha kuwa bado mtu hajaachilia machungu yake. Hivyo basi, kudumu katika amani ni vyema kutokumbushia mambo ya zamani ama yaliyofanya watu wagombane.

1Wakorintho 13:- Upendo ndo unaotupelekea kutoa msamaha. Ni kwa ajili ya upendo tu ndiyo nafsi zetu zitapona.  Mstari wa(13) unasema "Basi sasa inadumu imani, tumaini, upendo, haya matatu na katika hayo lililo kuu ni UPENDO".

Nitaendelea na kipengele cha UTAJUAJE JERAHA LAKO LIMEPONA/UMESAMEHE

Mbarikiwe mpaka mshangae!

 Jinsi gani kutokusamehe hupelekea mtu kuwa na uchungu (Bitterness)

Mtu ambae hajaweza kusamehe anakuwa na uchungu ndani ya moyo wake na kuona kila kitu hakiendi kama atakavyo.

Mtu mwenye uchungu ana haya yafuatayo:-

· Yuko negative- Kila kitu kwake kinakuwa ni tofauti

· Mkali-yeye muda wote anafoka na kupayuka

· Hujidharau (put him/herself down)

· Haoni uzuri wa kitu chochote katika maisha ( don’t see any good in life)

· Hatosheki (never satisfied), kila saa atakua analalamika na kutoridhika na kitu chochote.

 Kwa maana hiyo sababu tumejua kuwa kutokusamehe huletea mtu kuwa na machungu, sasa basi ni sababu zipi zinazotufanya tuepuke uchungu? (Reasons to avoid bitterness)

·         Uchungu huharibu mahusiano kati ya Mungu na mwanadamu.

·         Uchungu unapoteza dira yako

·         Uchungu unakutenga na watu wengine

·         Uchungu unakufanya usione uzuri wako na faida yako mwenyewe.

Hayo hapo juu ni mambo ambayo yanatokana na maudhi ambayo watu wamepitia katika maisha yao. Yamkini mtu alikataliwa wakati akiwa mdogo, yamkini mzazi wake alimu-abuse (dhalilisha), ama alitelekezwa na mambo mengine mengine yanayofanania na hayo.

I woke up this morning and find my self humming this song...

Ni one of the worship songs zinazonifanya niskie uwepo wa Mungu kila nitakapo kuanza sala.